2012年7月6日 星期五

日月潭 -- 伊達邵 (圖C)


無論你係搭船定係搭環湖公車黎都好, 去得日月潭, 無黎過伊達邵點算黎過呀. 尋晚講過啦, 呢度有老街比你行, 有古草風味既野比你食, 仲有民宿比你住. 不如睇左相先啦.



上圖係其中一段既老街, 其實伊達邵唔算好大, 我諗你一至兩個鐘應該行得晒. 不過當然, 由於日月潭食野既地方唔算多 (除左水社就係伊達邵), 咁伊達邵食野選擇較多, 我諗大家預時間喺呢度食野會比較好.



, 講明先, 上圖寫住果場原住民歌舞表演我就真係無睇過喇, 我唔想一入場原來係睇一班阿婆表演, 哈哈. (不過可能好好睇都唔出奇)



喺日月潭, 貓頭鷹有一個可歌可泣既故事. 閣下自己去搵答案啦.




瓶中花, 依傢香港都有得買了. 不過果度好似多款D.



上圖就係伊達邵碼頭, 其實影相都真係幾靚. 由於筆者既其他相我都有影到人, 所以唔方便POST出黎.



呢度仲可以遠望日月潭纜車站. 其實......我下一集都打算教大家點行過去, 沿路好靚架.







正如上文所講, 呢度有好多民宿. 事實上圍住日月潭既地方周圍都有民宿, 例如有間超豪既向海酒店位於文武廟附近. 不過我介紹伊達邵既原因, 係呢度多野食又多野買. 起碼有個碼頭比你夜晚訓唔著果陣落黎行下. 如果你住喺文武廟既話, 你想買支野飲都無. 你話幾可憐呢.



相關文章

日月潭 -- 總覽 及 乘車指南
日月潭 -- 水社遊客中心 (圖A)
日月潭 -- 纜車(圖B) / 九族文化村
日月潭 -- 向山行政暨遊客中心 (圖D)

沒有留言:

張貼留言