2012年7月9日 星期一

瑞芳

生活喺呢個 "那些年" 既時代, 本來第一集想講十分. 可是我諗黎諗去, 十分之前如果唔講左瑞芳先, 又好似接唔到落去咁. 點解咁講呢? 因為如果你由台北出發, 無論你想去十分, 定還是去九份, 都必定會經過瑞芳呢一個轉車站. 所以瑞芳呢一個景點係好重要的! 又既然一場來到,又未夠鐘轉車, 不如等我帶你地行下瑞芳啦.




當你一行出瑞芳站之後, 一如平常既台灣車站, 門前就係的士站同公車站.



認住呢間頂好超市, 如果你想去九份的話, 就要喺呢間超市門口的公車站等車.



其實瑞芳最可愛既地方, 就係多地道野食. 要知道當你去到十分, 等車等左成個鐘, 又無啖好食既時候咁不如喺瑞芳食飽野先出發吧. 上面幅地圖既下方有紅色字寫住 "瑞芳美食城" 就係今集介紹既地方喇.







, 你無睇錯, 食個飯都係幾十蚊台幣, 真係好鬼抵食. 而筆者最推介的就係上面呢間唯一既生魚片 (即係香港人叫刺身), 你見到上面呢一碟都係NT$120, 圍番起都係四五十蚊港紙.

再有時間既話, 可以向瑞芳派出所既方向行, 你會見到賣時裝, 髮型用品既店鋪. (不過款式就平民啲).


交通指南:


鐵路: 由台北可以坐台鐵去瑞芳, 正如一開始所講, 無論你去十分定九份都必須喺呢個站轉車的.

大約每半個小時就有一班車, 不過當然, 最快就係坐自強號(車程約40分鐘, 票價為NT$76), 莒光號(車程約50分鐘, 票價為NT$59), 區間車(車程約55分鐘, 票價為NT$49, 但由於不設劃位關係, 筆者並不推薦)


公車: 由台北坐公車到瑞芳需要一個多小時, 相信沒有人有興趣遊車河吧本文暫不提供公車方法.




相關文章


十分
菁桐


(本文地圖取材自谷歌地圖)

沒有留言:

張貼留言