高雄知多D - 古早味紅茶, 168公車

我成日都話我係高雄人, 所以總有啲高雄既小知識送比大家啦, 今日講兩樣, 一樣係飲品, 一樣係交通.

高雄推介之一 "古早味紅茶"

拿, 台北出名既野食就有阿給同鐡蛋啦, 台中就有珍珠奶茶丫, 咁高雄有咩出名呢? 吳寶春麵包?  No. 答案係 "古早味紅茶". 喺高雄, 你地平時行街見到既街邊飲料檔口, 記住唔好再叫珍珠奶茶喇, 試下叫杯紅茶啦. 高雄既紅茶係用傳統方法同茶葉製造, 所以味道同你平時香港飲既西式紅茶有極大不同. 當地人叫呢種茶做 "古早味紅茶" (其實你叫紅茶即係古早味架喇). 呢杯紅茶有咩咁好飲呢. 首先, 佢無珍珠奶茶咁甜, 無奶丫嘛, 但係又無烏龍茶果種苦苦地既感覺. 呢杯紅茶有種早藥既味道, 飲落有極有茶味之餘仲有D甘甘地既感覺. NT$30 一杯, 一場黎到就記住試下喇!

凱旋站 - 夢時代

今集繼續向南行，去到凱旋站。為既就係高雄一個比較新派、岩年青人去既商場，統一夢時代購物中心（夢時代）。

夢時代其實係一個超大型既商場，就好似新城市廣場咁大，除左商場之外，旁邊連住統一阪急百貨店。而夢時代同台北既美麗華商場基本上係完全一樣。設計一樣，建築物外型一樣，所以一樣有個大摩天輪。

寫到呢度，請容許我講個感想。好多網友搵我編台北行程既時候，都一定會問點去美麗華商場，有啲人想購物，有啲人想上摩天輪睇下台北全景。但係每次有人問我高雄景點既時候，我一講夢時代，啲人就話去台灣做乜要行商場？又或者去旅行玩乜野摩天輪丫。其實我一直都唔明，唔通去台北同去高雄係兩種人黎？我地參觀下個商場先：

三多商圈站 - 大遠百, 85大樓, SOGO, 吳寶春麥方店

去完新堀江商圈之後，我地再去另一個商圈，三多商圈站。但係其實，呢度唔係商圈，而係由幾個大型商場組成既一個地方。
喺寫呢個BLOG既時候，出現左一個大問題，就係唔夠相。對不起，我必須向各位解釋，由於筆者去旅行之時係未有寫呢個BLOG既打算（其實如果大家一直有追睇既話，都會發覺日本篇比台灣篇係詳盡好多的）所以影既相較少，一如以往，我地先睇地圖。

愛河

今日筆者帶大家黎遊愛河。愛河係高雄既其中一個景點，愛河既兩旁都係文化藝術既東西，包括有高雄市立圖書館、高雄市立歷史博物館、高雄市電影圖書館、星座碼頭同埋真愛碼頭。而想遊愛河既話，當然要搭船啦，條船叫愛之船。其實就好似外國遊客黎香港要搭天星小輪，香港人去大阪道頓堀要搭觀光船一樣。黎得高雄，唔好錯過。

中央公園站 - 新堀江商圈

今集黎到中央公園站，中央公園站其實有兩大景點。一個顧名思義係中央公園啦， 入面有一個叫做城市光廊既地方，如果你夜晚黎到既話就會影到高雄市為大家製作既光影藝術，但當然，我用傻瓜相機就影唔到了。下次黎到而又喜歡影相既你記得帶部單反黎影喇。
第二個景點就係女士們最愛去既 新堀江商圈 喇！呢個商圈有啲似香港既女人街，有好多靚衫靚鞋買，同上次介紹高雄車站附近嗰兩個商圈唔同，呢度買既野YOUNG好多！！

中央公園站

出口２一出就係，唔明就睇埋下面既地圖

美麗島站 - 六合夜市

上文講到，我地可以由美麗島捷運站踩單車去六合夜市，然後由六合夜市踩單車返去國賓大飯店還車再返酒店，咁究竟六合夜市點去呢？睇睇下面既地圖：

高雄篇 – 高雄市公共腳踏車

喺介紹下一個景點之前，想問下大家，有冇留意到高雄市既街頭，周圍都會見到下圖既單車停泊？ 

呢個就係高雄市獨有既單車自助租賃系統，當年全台灣淨係得高雄呢度有得隨街租單車，當然依傢台北都有啦，不過一場黎到高雄點可以唔試下？

漢神巨蛋 + 瑞豐夜市

去完義大世界，今日介紹一個可以夜晚先去既地方，就係巨蛋捷運站了。巨蛋站有兩大旅遊點，一個係漢神巨蛋百貨，另一個係全高雄最大既夜市，瑞豐夜市。

義大世界 - 台灣中南部唯一集酒店遊樂場於一身既地方

早幾日簡介左高雄究竟有咩好去處. 今日我地先去義大世界玩下先啦, 話晒義大世界喺高雄黎講都係新景點, 落成兩年左右, 亦係台灣中南部唯一既大型主題遊樂場連大型商場連酒店! 仲勁過香港迪士尼, 你都咪話唔勁!! 但係如果淨係講遊樂場面積既話, 就大約係香港迪士尼既一半. 唔細架喇, 香港無得玩既呢度都有齊. 一齊黎啦!

先講下點去義大世界先, 大家可以搭高鐵(由台北至台南), 或者搭捷運, 黎到左營站. 又或者搭台鐵(台東至台北沿線), 到新左營站落車. 跟住你就會見到彩虹市集.

高雄 - 旅遊概覽

離開左阿里山, 再向南進發, 終於黎到高雄! 除左台北之外, 另一個香港人常去既地方就係高雄, 當然啦, 高雄有義大世界, 又可以再南下去墾丁玩水. 但係你又知唔知高雄究竟有咩好玩好食好行呢? 今集就等我將高雄市好玩既地方作一個簡單既概覽話過你知. 之後我就會逐個景點分集咁詳細介紹. 而完成埋高雄之後就會介紹大家等左好耐既墾丁. 再之後又會重返台北.

好喇, 講番高雄, 其實高雄地方唔算好大, 至少細過香港, 所以好多景點都可以搭公車或捷運就可以去到. 高雄比台北熱好多, 不過人同車都少好多. 另外就係, 高雄既物價係比台北平的, 所以你會發覺呢度買野平過台北好多. 但當然, 名牌就另計啦, 公價架嘛. 講到捷運, 高雄捷運得紅同橙兩條線咋, 我地先睇下個路線圖先啦.

田尾公路花園

今集帶大家黎到台中既彰化縣, 去一個好特別而又好少香港人去既地方 - 田尾公路花園.

田尾公路花園係彰化縣著名既花卉養殖中心, 呢度有好多間以景觀造型花園式既餐廳, 等你可以沿路踩住單車, 影下相, 又食下野. 先比幾張相引誘下你地先.

彰化 - 扇形車庫

上集講完員林, 今集講下佢既兄弟彰化. 彰化最出名既景點, 係鐵路迷朝聖既地方 - 彰化扇形車庫. 懂得鐵路既朋友都知道, 莫講話台灣, 喺全世界黎講, 上圖呢一種扇型既車庫已經唔多了. 加上呢個車庫係免費入場!! 入左去之後, 仲任得你影, 任得你摸. 無人趕你既話, 我連火車都上埋去. 你都咪話唔興奮. 講明先, 呢集對非鐵路迷黎講, 可能真係對牛彈琴, 所以大家都係睇相吧.

菁桐

《續上文 - 十分》

菁桐係平溪線既總站, 閒時呢個站係無票務員當值的. 遇上呢D時候, 如果你無買到一日週遊券既話, 麻煩你乖乖地去購票機買票吧. 如果唔識用都唔緊要, 你可以照上車, 有人查飛時你先補票, 又或者落車時補買番. 台灣人都係講個信字既, 加上呢條係支線既關係, 除左瑞芳之後既大站之外, 全線無出入閘機的. 講左咁耐, 睇相吧......

九份

香港有悲情城市天水圍, 台灣也有它的悲情城市九份. 不過, 九份既悲情係因為一套陳年電影吧了.

上集介紹過十分, 菁桐之後, 我地再次由瑞芳出發, 到九份喇. 提多一次, 如果想由瑞芳去九份的話, 搭公車就可以, 所有去金瓜石的公車都會經九份的 (其實車頭會貼上經九份字樣的). 班次非常頻密, 約十分鐘左右就會有一班車.

認住瑞芳車站對面既呢間頂好超市, 超市門口就係往九份既公車站. (車程約20分鐘, 車費為NT$15)

瑞芳

生活喺呢個 "那些年" 既時代, 本來第一集想講十分的. 可是我諗黎諗去, 講十分之前如果唔講左瑞芳先, 又好似接唔到落去咁. 點解咁講呢? 因為如果你由台北出發, 無論你想去十分, 定還是去九份, 都必定會經過瑞芳呢一個轉車站. 所以瑞芳呢一個景點係好重要的! 又既然一場來到,又未夠鐘轉車, 不如等我帶你地行下瑞芳啦.

日月潭 -- 向山行政暨遊客中心 (圖D)

早幾日問左大家一個問題, 就係楊丞琳個相機廣告究竟喺日月潭邊個地方拍既呢? 今日開估了, 就係向山行政暨遊客中心(圖D)喇!! 先等大家回味下個廣告先.

本來普通一個遊客中心, 就唔值得寫篇BLOG黎介紹既. 不過呢個遊客中心實在太特別, 係特別靚.

日月潭 -- 纜車(圖B) / 九族文化村

尋日講左伊達邵, 我諗大家已經好想即刻飛去台灣玩架喇. 今日介紹多個全台灣獨有既地方比大家, 就係九族文化村喇. 不過講之前, 都要話比大家知點搭車去既, 今次唔係教你搭公車喇, 係搭纜車!

上文講到, 大家可以由伊達邵, 沿步道就可以行到去日月潭纜車站, 沿途風光秀麗, 大約10分鐘路程就到, 所以唔需要等公車咁麻煩. (註: 由伊達邵到纜車站係落斜, 調番轉係上斜).

日月潭 -- 伊達邵 (圖C)

無論你係搭船定係搭環湖公車黎都好, 去得日月潭, 無黎過伊達邵點算黎過呀. 尋晚講過啦, 呢度有老街比你行, 有古草風味既野比你食, 仲有民宿比你住. 不如睇左相先啦.

上圖係其中一段既老街, 其實伊達邵唔算好大, 我諗你一至兩個鐘應該行得晒. 不過當然, 由於日月潭食野既地方唔算多 (除左水社就係伊達邵), 咁伊達邵食野選擇較多, 我諗大家預時間喺呢度食野會比較好.

日月潭 -- 水社遊客中心 (圖A)

前一篇文章為大家簡介左日月潭既各個景點, 今日就先講你落車既地方, 水社遊客中心 (即上一篇的圖A). 尋晚教左大家點由台中搭車去日月潭啦, 而總站就係呢度喇. 無論你想去日月潭任何地方, 都會經過呢度咁滯. 上圖見到既購票處, 就係搭船去伊達邵的. 而公車站就係環湖公車或者返台中既公車站. 除此之外, 水社仲係行街買野既好地方添.